الأربعاء، 21 يناير 2015

الفنيان



الفنيان

الفنيان..لاتْفْرح ليه
حزموه أُرَزموه و لا تْعولوش عْليهْ
يعْشق نْعاس يتْوحمْ عليه
ما يضروه جنابه ما يْتقال الراس عْليه
ما يْخدم
ما يردم
هَمُّه غير
 يْصَرْ  و يَحْزمْ
ياكْل الشوك ب داك الفُم
فُمْ البو ولم 
 وْنسيب وْالعمْ
قَشَّابتُه واسْعَه ما يْحمل هَمْ
نْفْسُه باردََه... ما يتْألم
يلا شْفتيه يْبان لِيك بحال الناس
فْ الليل يْسهَر  ما يْجيه نْعاس
يبات يقرقب زلافه والكاس
صوت التلفزه عالي
يْحَرَّم عل الناس الراحه والنعاس
الْفْنْيَان ما عندُه إحساسْ
ما يَتْغِيَرْ ما يَتْبَدلْ 
وخا يُوْقَعْ الْفَاسْ  فْ الََّرَاسْ
***
يا  صَاحْ نْوَصِيك 
  الفنيان,لا تْهْدِي بْنْتكْ لِيهْ

ويلا ناسبتيه خْدم عْليه
وِ يلاَ بْلاك الله  وْزوجتيه
 يتغير الزمان عليه
مَا يْسَبَّع مَا يْختَّن 
يْقْلب جْيابُه وْ يْهرب عْليك
وِِْ يْلا دَار عَقلُه وْ طْمر فِيه
نْهار تْعطيه القُفَه...
يمشي ويجي ويرميها ليك 
 يْقول:
يَا كْ الفنيان لا تفرح ليه...
 سْمع كلامُه و لا دِّيرْ بحالُه
وْ لَّفْتْ الرَاحَه وْ لَهْنَا...

 وْ الزْوَاجْ آشْ دَّانِي ليه ؟

ليست هناك تعليقات:

إرسال تعليق