الجمعة، 16 يناير 2015

هم الوقت


هم الوقت   

الوقت هو الوقت...

عقارب سوايعو

 محققا على نغمات هواه

بغيتو شي نهار يلا راحت شَّمس

يغرق ف ظلام روحي

يتكمط ف بردها

يبقى معلق بين الليل ونهار

نتفرج عليه  

كيموت ليه لكروح

مابغيتو يحضيني ف الرايحة وجايا

ما بغيتو يزحمني يلا فقت...

بغيتو يرحمني من خْليقة العساس

للي مطرق مسامرو ف ظل داتي

وقت ما فرَّطْتْ

تكرطني عقاربو ب سمها

ويسرح معايا الوقت ك الموت

نتعكز على ظلي و نوقف

نتحتت معاه  

كيف ننقص من طولو ...؟

كيف نحفر على ريحة البركة ...

يلا بقات َف جدورو  


لاصقاه؟ !

ليست هناك تعليقات:

إرسال تعليق