الأربعاء، 21 يناير، 2015

نجح ف الباك



نجح ف الباك
عيشتُه خبز واتاي//فراشُه حصيرَه و غطاه حنديرَه
نهار نجح ف الباك//خيالُه كان فرحان بحالُه
حس ب راسُه//قطع الواد ونشفوا رجليه
راسو قال لُه:خصك غير جناح و توصل للقمر ترتاح
هدية من الوقت عل النجاح
قال :حتى هذا نظر!
ركب خيالُه و طار//تمَّ لقى آثار
كانت آثار الإنسان الأول للي نزل عل القمر
قالت ليه:الباك آ سّي...غير نقطة ف بحر العلم// وشحال خصك من نقطة باش تحقق الحلم
قال :أنا إنسان قهرني زمان// وجُّوع جرب فيا مضاوة سْنان
خلاني نقول:ما بيني وبين العلم //غير الخير والإحسان
بغيت نخدم بالباك//نسكت الجوع نمسح لكرشي وكرش خوتي دموع
نلبّْس الرجلين الحفيانُه//  ونكسي لبدان العريانه,,,
قالت :حتى هذا نظر //غير تْحلَّى ب صبر
َتقطَع شطآن الفقر//وتوصل للبَرْ
عليك بصبر هو فاسك // للي به على النجاح تحفر
الباك بداية لكل شيىء جميل
لكن شنو قيمتُه// يلا  فتح لك  باب ضيق الآفاق؟
وبقيتي على كرسي واحد// يشدك ليه نوع رفيع من اللّصاق
مرهونَ ل سباّبة الناس والإبهام
تظل تحرر عقود و محاضر اتهام
قْرا وتعلم  تطور ذاتك// توصل و تحقق مشروع حياتك
راه الموظف بشهادَه بسيطَه// آفاقُه محدودَه و ضعيفة الجودَه
و نهار يقوا عودك تصبح واحد من لعباد// للي تعول عليهم لبلاد
بعلمك// تكسر سنان الجوع و ما يسيلوا ليك عليه دموع
و ديك الساعَه // نت وْ جودك...


ليست هناك تعليقات:

إرسال تعليق