الأحد، 10 أبريل 2016

بغا يوصل دغيا


 بغا يوصل دغيا    

قلت ليه  :
دير ما دار جارك 
 ولا بدل باب دارك
حفر لبيار..
ولاَّ نقل َّلحْجار..
قال :
البير حفرة  
 تفكرني ف لقبر
قلت :
بيرك صبر..حفر 
 يعمرو جيابك
ب دراهم
ماشي ب لحجر
قال :
لحجر ثقيل 
 يقسم ظهر
قلت :
انت راجل 
 و عنوان الرجولة صبر
قال :
كنرجع للدار...
نطيح ك الخنشَه
ما نصلي عشا 
لا ظهر
ولا عصر

قلت   : 
راه صبر عندك رْشا
قال :
أنا بغيت نوصل دغيا
قلت  :
للي زربو ماتو 
راه المستقبل جبل
عليك ب حبل 
طْلع ووْ لمّا تنْزَلْ
قل عاد بديت
تذكر،راك رجل البيت 
بدا ب للّي لقيتْ
لام راسُه وقال :
يا راسيهاد الشيء للي بغيت 
شفتي كن قريت؟
إييييه الراجل كيف الفاس 
 فين ما طاح يحفر
ما ضرني غير ركوب لحمارة 
 و راجل بحالي راكب سيارة 
قلت  : 
قْرا ،صْبَرْ
و لاَّ دْمَرْ
 راك توصل بْحالُه...




ليست هناك تعليقات:

إرسال تعليق