تحلال التعاويده
الزمان ولد الحرام
تربى بين الفخود والنهود
علموه شتف هايتف وهزان
الكتف
///
أنا للي عاد قطر بي السقف
ضربت في لفكد
ضربت كحولت جهلي ف بياض
تخمامي
لقيته سقاني من ماه
و علمني شتف هايتف وهزان
الكتف
وبقيت نتف...نتف
لاقاني هارب منه راجع ليه
ل فين يامسكين؟
وحتى لين
ياك الكتف عل لكتف
وكلكم عل الوقت شادين الصف؟
///
تلف لي راس الخيط
وتْخَبّلت لي بْجَهْد
التَّلْفْ الكُبَّه
تفكدت مي وبا
ماكاين غ شتف هايتف...
///
الزمان حرامي
ومخدوعة فيه حلامكم و حلامي
علاش ما نعاودو له التربية
نحملوه ونراريو
نلبسوه ونخرقو...
///
ضربة الزمان صحيحة ؟
حيت نحاس وحنا صنعناه !
ليست هناك تعليقات:
إرسال تعليق