الجمعة، 15 يناير 2016

المندبه كبيره والميت فأر


المندبه كبيره والميت فأر 

هم صغير ف رمشة عين صار//ينشر ف لقبيلة الهم و لغيار
يشتت اشمل يا حضار
نهار يحضر المندبة عاقل // لغيار يصغار
ونهار يدخلها السفيه // يشعل النار
و تصبح المندبة كبيرة والميت فأر
صغرت لعقول//من الحبة دارت قبة .
نفخت ف و ذن السامع القول  //و موت فار حرق لقبيلة والدوار
اسمع يا صاح حكمة القول :
كن بين الناس رجل معقول
خيط بخيط ابيض واصلح بين الجار والجار
ولا شي انهار احضر الوسواس المكار
قل ليه:ما بقات لا مندبة كبيرة ولا ميت فار
كلما حضر لعقل المندبة تصغار //و نهار يموت شي فار
خبروا لقطوط الجايعة
ماشي لا لا مولات الدار



ليست هناك تعليقات:

إرسال تعليق