الأربعاء، 21 يناير، 2015

نهار عشقت



نهار عشقت
نهار عشقت
تلف ليى لحساب
قلبي فرش سحابه
وتغطى ب ضبابة
وبدا يدوقني العشق قطره قطره
حلف ما يرجع لي
حتى نحش من جنابي ديك الغابة
للي سكنوها قوم كدابة
بينو له لفضل
و كسروه ف راس المال
نهار رجع
حفنت من العشق دراع
عشق لطيف ظريف
مافيه كدوب مافيه خداع
صنعت له من رموشي شراع
سقيته من الثقة كيسان
يا قلبي غير يامس وانا فريد
واليوم هانا ل لونيسه غادي
نقطع عمري يام و ساعات
ن غمسها ف شهد العشق
تنسيني وحدة البارح وللي فات
غير البارح وانا حزين
واليوم ف كفي السعادة نبتات
ياصاح نوصيك
ف بحر لغرام لا تيق
لا تسبح فيه إلا ماكنتي سباح عتيق
ياصاح قاع العشق عميق
جمع حب و تبن
سول لمجرب
و ف بياعين لكلام لا تيق
إلا ما ساعفاتك لشراع
سبح على قدك
لا تبيع قلبك ل جهدك
راه لا جهد إلا جهد الله

ليست هناك تعليقات:

إرسال تعليق