الأربعاء، 21 يناير 2015

شكيت ليامي


شكيت ليامي

اغزلت من رموش الليل لحاف
ستر عيبي حتى ل لكتاف
فرشت عيونو
سكنت بسكونو
لبست لونو
نفرتني لهموم
عافت شوني
و فسخت ليا زموم
جا لفجر
و ضو النهار عليا تجبر
لرموش الليل تنكر
بكل جرأة عرى ما ستر
لبست رجليا
وسرجت خوفي
سافرت للبارح
قلبت على خيالو ف كل لمطارح
لقيتو هايم و سارح
حضنتو وبديت نبكي
بان لي مهموم يشكي
جمعت كلامي
بلعت لساني
سرجت همومي
وسافرت ل غدا
وقفت بين يديه قلت باش غادي نبدا؟
شفتو من هموم لعباد كيتوضا
قل لي :بلا ما تبدا
نساني اليوم
وجني غدا

ليست هناك تعليقات:

إرسال تعليق